Djele, 08 Korrik 2018 00:00

Iran: A Mundet Regjimi Të Kthehet Në Shtëpinë E Vet?

 

 

 Situata aktuale në Lindjen e Mesme është, thënë thjesht, e trazuar. Nuk ka harmoni në asnjë pjesë të rajonit dhe shumica e këtyre problemeve janë për shkak të Iranit dhe ndërhyrjes së tij në punët e brendshme të kombeve të tjera. Irani vendos militantë në vende të tjera dhe lëviz andej-këndej armë e personel ushtarak sikur të ishte në krye të punëve në të gjithë zonën.

Regjimi iranian nuk ka respekt për fqinjët e tij apo për kufijtë që i ndajnë ata. S’e ka për gjë të futet në një shtet tjetër dhe të infiltrohet në sistemet që e qeverisin atë. Regjimi iranian bashkëpunon vetëm nëse fiton diçka të madhe në këmbim.

Për ta përkeqësuar situatën, Irani e justifikon eksportin e Ekstremizmit Islamik në një mënyrë të pavend për botën moderne.

Një nga mësimet më të mëdha që mund të merren nga konflikti dhe trazirat në Lindjen e Mesme në vitet e fundit është se kur një komb ndërhyn në punët e të tjerëve, konfliktet ekzistuese përkeqësohen. Irani ka përdorur shpesh pretekstin e përfshirjes për arsye fetare apo etike, por është shumë e qartë se Irani përfshihet vetëm atëherë kur ka diçka për të fituar. Nuk do t’ia dijë për pasojat e veprimeve të tij.

Është e domosdoshme që të vendosen politika të tilla që të sigurojnë respektimin e kufijve dhe që të ndalohen politikat që kanë për qëllim të ndryshojne e të shkatërrojnë demografinë.

Prania e ISIS në rajon e ka shtuar paqëndrueshmërinë dhe ndarjet sektare janë bërë edhe më të dukshme. Beteja e pashmangshme për të hequr qafe ISIS-in ka çuar në krijimin dhe përfshirjen e më shumë militantëve e grupeve proksi.
Shumë shpejt, Vladimir Putin dhe Donald Trump do të takohen në Helsinki, kështu që gjërat ndoshta nuk do të shkojnë ashtu siç shpreson regjimi iranian. A do ta lërë Irani Sirinë dhe të kthehet brenda kufijve të vet?

Vështirë se do ta bëjë këtë gjë. Dhe është e sigurtë se ai nuk deshiron ta bëjë këtë gjë. Kjo sepse kërcënimi më i madh i regjimit iranian është brenda në shtëpinë e tij. Ai është populli i Iranit.

Trazirat e brendshme që nga fundi i Dhjetorit të vitit të shkuar e kanë destabilizuar vërtet udhëheqjen e vendit. Pak protesta për situatën ekonomike u kthyen në një kryengritje madhore dhe protestat vazhdojnë ende sot e kësaj dite.

Në 6 muajt e shkuar, njerëzit në Iran kanë bërë thirrje për ndryshim regjimi dhe kanë thirrur “poshtë Rouhani” dhe “poshtë Lideri Suprem”. Ata e dinë se nuk do të ketë shpresë për të jetuar në një Iran të lirë e demokratik derisa sundimi i mullahëve të marrë fund. Njerëzit kanë bërë thirrje që regjimi ta lërë Sirinë dhe të përqendrohet në ndreqjen e situatës së prishur shoqërore dhe ekonomike brenda vendit.

Regjimi është krejt i paaftë të reformohet, pavarësisht se çfarë kanë pretenduar shumë udhëheqës Perëndimorë, të mëparshëm e të tanishëm.

Rreth Nesh

Quas mattis tenetur illo suscipit, eleifend praesentium impedit! Dictum aliquam potenti arcu? Vel nemo consectetuer veritatis delectus excepturi magni dui

 

Suspendisse at libero porttitor nisi aliquet vulputate vitae at velit. Aliquam eget arcu magna, vel congue dui. Aenean id turpis lectus. Duis eget consequat velit.nulla vel eros blandit placerat.