Merkure, 19 Dhjetor 2018 21:01

Shtohen Arrestimet E Punëtorëve Iranianë Të Çelikut Natën E Dytë Të Sulmeve Në Ahvaz

.

Submit to DeliciousSubmit to DiggSubmit to FacebookSubmit to Google PlusSubmit to StumbleuponSubmit to TechnoratiSubmit to TwitterSubmit to LinkedIn

 

  • Published on .

 Demonstrata jashtë Parlamentit të regjimit iranian në mbështetje të punëtorëve bën thirrje për lirinë e tyre

Forcat shtypëse të sigurisë së fashizmit fetar që sundon në Iran kryen sulme në mesnatë në Ahvaz të hënën për të dytën natë rresht.

Sulmet kishin në shënjestër shtëpitë e punëtorëve të Grupit Kombëtar Iranian të Industrive të Çelikut (INSIG) dhe rezultuan në arrestimin e më shumë punëtorëve. Dhjetëra punëtorë të arrestuar natën e së dielës dhe të hënën mbahen ende në paraburgim. Shumë punëtorë po i kalojnë netët jashtë shtëpive të tyre për t’iu shmangur arrestimit.

Punëtorët e çelikut po hyjnë në ditën e 39-të të grevës e protestës së tyre pavarësisht veprimeve represive të regjimit. Ata shpallën se do të vazhdojnë të bëjnë grevë derisa të lirohet edhe punëtori i fundit.

Qindra pensionistë, duke protestuar jashtë Parlamentit të regjimit në Teheran shprehën mbështetjen e tyre për punëtorët grevistë të Ahvazit mëngjesin e së martës. Protestuesit thërrisnin: “Nga Ahvazi në Teheran, punëtorët janë nëpër burgje”; “Lironi punëtorët e çelikut”; “Punëtorët e burgosur duhet të lirohen”; “Mësuesit e burgosur duhet të lirohen”; “Qeveria kryen krime, parlamenti e mbështet”; “Sigurimi është e drejta jonë”; “Armiku është këtu, gënjejnë kur thonë se është Amerika”.

Arrestimet brutale e masive të punëtorëve e tregojnë qartë irritimin e regjimit të korruptuar e kriminel klerikal me shtimin e grevave e protestave të punëtorëve. Rezistenca Iraniane u bën thirrje të gjithë iranianëve, sidomos punëtorëve të tjerë, rinisë, dhe studentëve, që të ngrihen në mbështetje të punëtorëve grevistë dhe në protestë ndaj arrestimit të tyre. Rezistenca Iraniane u bën gjithashtu thirrje të gjitha organizatave ndërkombëtare që mbështesin të drejtat e njeriut e të punëtorëve, si dhe të gjitha unioneve e sindikatave të punës në shtete të ndryshme, që të kërkojnë lirimin e menjëhershëm të punëtorëve të arrestuar në Iran.

Rreth Nesh

Quas mattis tenetur illo suscipit, eleifend praesentium impedit! Dictum aliquam potenti arcu? Vel nemo consectetuer veritatis delectus excepturi magni dui

 

Suspendisse at libero porttitor nisi aliquet vulputate vitae at velit. Aliquam eget arcu magna, vel congue dui. Aenean id turpis lectus. Duis eget consequat velit.nulla vel eros blandit placerat.