Premte, 28 Dhjetor 2018 09:25

Presidenti shqiptar mbështet dëbimin e diplomatëve - terroristë të regjimit iranian

.

Submit to DeliciousSubmit to DiggSubmit to FacebookSubmit to Google PlusSubmit to StumbleuponSubmit to TechnoratiSubmit to TwitterSubmit to LinkedIn

 

Publikuar më 24 dhjetor 2018.

Presidenti shqiptar Ilir Meta shprehu mbështetjen e tij të plotë për një vendim të kohëve të fundit për të dëbuar diplomatët- terroristë të regjimit iranian nga vendi i tij. Meta të shtunën mbështeti vendimin e Ministrisë së Jashtme të Shqipërisë lidhur me dëbimin e ambasadorit të Teheranit dhe një diplomati tjetër.

Qartazi të mërkurën, Ministria e Jashtme shqiptare deklaroi, se arsyeja për këtë dëbim ishte përfshirja e këtyre dy individëve në veprimtari, që kërcënojnë sigurinë e vendit.

Në një intervistë të së njëjtës ditë, Ministri i Brendshëm shqiptar Sandër Lleshaj bëri komente të rëndësishme në lidhje me dëbimin e ambasadorit të regjimit iranian dhe kreun e zyrës së Ministrisë së Inteligjencës dhe Sigurisë së Teheranit në Shqipëri.

"Regjimi iranian njihet si sponsori kryesor i terrorizmit në botë," deklaroi ai.

"Organizata e Muxhahedinëve të Popullit të Iranit (PMOI / MEK) është kërcënuar në vende të tjera. Kjo është një metodë e përdorur nga agjentët e sigurisë së regjimit iranian të kamufluar si diplomatë. Ne nuk e konsiderojmë PMOI / MEK-un si një kërcënim për sigurinë e Shqipërisë. Ky është qëndrimi i qeverisë shqiptare, policisë dhe zyrtarëve të sigurisë. Qendrimi ynë ndaj PMOI / MEK është pa asnjë lloj paragjykimi. Ata janë miq, që janë mirëpritur për të banuar në Shqipëri dhe kjo nuk ka të bëjë fare me aktivitetet e tyre politike ".

Kreu i Partisë Demokratike Lulzim Basha, kreu i opozitës, gjithashtu shprehu mbështetjen e tij për këtë vendim për të dëbuar e diplomatët- terroristë të regjimit iranian, sipas Albanian Daily News. Basha mbështeti vendimin e qeverisë dhe e përshkroi aktivitetin e këtyre dy individëve, si të rrezikshëm për sigurinë kombëtare të Shqipërisë.

"Në emër të Partisë Demokratike dhe të opozitës shqiptare, shpreh mbështetjen time për vendimin e qeverisë për shpalljen “non grata” dhe dëbimin e diplomatëve iranianë. Ata kryen veprimtari në kundërshtim me statusin e tyre diplomatik dhe rrezikuan sigurinë tonë kombëtare. Partia Demokratike kërkon prej strukturave shtetërore të sigurisë kombëtare, përkushtim të qëndrueshëm dhe bashkëpunim të sinqertë e pa zvarritje me aleatët tanë, si e vetmja zgjidhje për parandalimin dhe neutralizimin e aktiviteteve të tilla në territorin e Republikës së Shqipërisë ".

Shqipëria ka dëbuar ambasadorin e Iranit dhe një tjetër diplomat me arsyen e "kërcënimit të sigurisë së saj kombëtare ", tha të mërkurën Ministria e Jashtme, sipas Reuters.

Këshilltari amerikan për sigurinë kombëtare, John Bolton, i cili luajti një rol të madh në vendimin e Presidentit Trump për të ri-vendosur sanksionet ndaj Iranit, mbështeti vendimin e Shqipërisë.

“Kryeministri i Shqipërisë Edi Rama sapo dëboi nga Tirana ambasadorin iranian, duke u dhënë një sinjal të qartë liderëve të Iranit, se mbështetja e tyre për terrorizmin nuk do të tolerohet”, ka deklaruar Bolton në profilin e tij në Twitter.

 “Ne mbështetim kryeministrin Rama dhe popullin shqiptar, që kanë vendosur t’i bëjnë ballë sjelljes agresive të regjimit iranian në Europë e më gjerë “, tha ai.

Që kur Shqipëria pranoi anëtarët e PMOI / MEK në vendin e saj, regjimi iranian ka qenë i përfshirë në veprimtari, që synojnë diskreditimin dhe demonizimin e këtij grupi, sipas Reuters. Bolton dhe ish-kryebashkiaku i New York-ut Rudy Giuliani, tani avokat i Presidentit amerikan Donald Trump, kanë vizituar PMOI / MEK-un në Shqipëri.

Rreth Nesh

Quas mattis tenetur illo suscipit, eleifend praesentium impedit! Dictum aliquam potenti arcu? Vel nemo consectetuer veritatis delectus excepturi magni dui

 

Suspendisse at libero porttitor nisi aliquet vulputate vitae at velit. Aliquam eget arcu magna, vel congue dui. Aenean id turpis lectus. Duis eget consequat velit.nulla vel eros blandit placerat.