Enjte, 14 Shkurt 2019 21:48

Samiti I Varshavës: Iranianët Zhvillojnë Tubim Dhe Bëjnë Thirrje Për Mbështetje Për Demokracinë Në Iran

.

Submit to DeliciousSubmit to DiggSubmit to FacebookSubmit to Google PlusSubmit to StumbleuponSubmit to TechnoratiSubmit to TwitterSubmit to LinkedIn

 

 Konferenca ministrore mbi Lindjen e Mesme, e organizuar nga Departamenti amerikan i Shtetit së bashku me Ministrinë e Jashtme polake, filloi sot. Kjo konferencë do të fokusohet mbi Iranin si burimi kryesor i paqëndrueshmërisë në rajon. Pritet të marrin pjesë delegacione të rangut të lartë nga disa dhjetëra vende.

Një numër i madh iranianësh, mbështetës të Këshillit Kombëtar të Rezistencës së Iranit (NCRI) dhe Organizatës Muxhahedine të Popullit të Iranit (PMOI/MEK) zhvilluan një tubim në ditën e parë të samitit të Varshavës për t’i dhënë zë dëshirës së popullit iranian dhe për të shprehur mbështetjen e tyre për MEK dhe NCRI-në e udhëhequr nga Maryam Rajavi, si alternativa demokratike ndaj regjimit të mullahëve.

Në tubim morën pjesë kryebashkiaku Rudy Giuliani, ish-Kryeministri algjerian Sid Ahmed Ghozali, ish-Senatori amerikan Robert Torricelli, si dhe disa anëtarë polakë të Parlamentit e të Senatit. Përpara tubimit, ata mbajtën një konferencë për shtyp.

Ish-kryebashkiaku i New York-ut Rudy Giuliani, duke folur në tubimin e MEK jashtë Samitit të Varshavës, tha: “Është nder i madh për mua të jem këtu me ju për t’u përçuar një mesazh shumë të rëndësishëm qeveritarëve pjesëmarrës në Samitin e Varshavës. Në mënyrë që të ketë paqe dhe siguri në Lindjen e Mesme, duhet të ndryshohet regjimi teokratik në Iran. Duhet të marrë fund. Regjimi iranian është burimi më i madh i mosmarrëveshjeve. E përgëzoj Maryam Rajavi-n për udhëheqjen e saj të guximshme në përpjekjen për një Iran të lirë e demokratik. Regjimi i Ajatollahëve është sponsori shtetëror numër një i terrorizmit, jo vetëm në Lindjen e Mesme, por në të gjithë botën.

Populli iranian ka të drejtën e lirisë dhe demokracisë. Iranianët kanë të drejtën të jenë të lirë. Do ta realizojmë së shpejti ëndrrën për ta parë Maryam Rajavi-n në një Iran të lirë. E kemi përgjigjen se kush do të jetë alternativa ndaj regjimit. Maryam Rajavi ka paraqitur një program me 10 pika të cilin duhet ta mbështesim.”

 

Ish-Senatori demokratik amerikan Robert Torricelli tha:  “Ka patur negociata me Teheranin për 40 vjet. Por ata janë përgjigjur me terrorizëm. Jetët e mijëra martirëve të varrosur janë dëshmia se ky regjim nuk është i negociueshëm.

Një qeverie që vret kundërshtarët e saj nuk mund t’i besohet se do ta respektojë marrëveshjen bërthamore. Një regjim vrasës nuk mund të jetë regjim i besueshëm.

Atyre vendeve që besojnë se nuk kemi zgjedhje tjetër veçse ta pranojmë Iranin, ne u themi: Ne jemi zgjedhja! Alternativa demokratike. Mijëra iranianët që kanë rrezikuar jetën në rrugët e Iranit, ata janë zgjedhja. NCRI është zgjedhja, znj. Maryam Rajavi është zgjedhja.”

Published on .

 

Rreth Nesh

Quas mattis tenetur illo suscipit, eleifend praesentium impedit! Dictum aliquam potenti arcu? Vel nemo consectetuer veritatis delectus excepturi magni dui

 

Suspendisse at libero porttitor nisi aliquet vulputate vitae at velit. Aliquam eget arcu magna, vel congue dui. Aenean id turpis lectus. Duis eget consequat velit.nulla vel eros blandit placerat.

Lajmi i fundit