Hene, 17 Qershor 2019 14:03

I burgosuri politik vritet me thikë nga të burgosur që veprojnë në interes të autoriteteve iraniane

.

Submit to DeliciousSubmit to DiggSubmit to FacebookSubmit to Google PlusSubmit to StumbleuponSubmit to TechnoratiSubmit to TwitterSubmit to LinkedIn

 

I burgosuri politik vritet me thikë nga të burgosur që veprojnë në interes të autoriteteve iraniane

Aktivisti i mediave sociale iraniane, Alireza Shir-Mohammad-Ali,

Një i burgosur politik 21 vjeçar u godit me thikë në burgun e madh famëkeq të Teheranit nga dy të burgosur, që ishin agjentë të autoriteteve, të hënën më 10 qershor.

Alireza Shir-Mohammad-Ali, nga Naziabadi, Teherani i jugut, u godit të paktën 40 herë nga Hamidreza Shojazadeh, i burgosur dhe në rreshtin e vdekjes për vrasje, dhe Mohammadreza Khalilzadeh, i dënuar me akuza për drogë, pavarësisht nga fakti se kriminelët e dhunshëm supozohet që të mbahen në ambjente të ndara nga të burgosurit e ndërgjegjes.

Megjithatë, një burim informimi tha, se të dy të dënuarit nuk vepruan në mënyrë të vullnetshme, por u rekrutuan nga autoritetet e burgut për të filluar një përleshje në ambjentin ku po mbaheshin Shir-Mohammad-Ali dhe një tjetër i burgosur politik Barzan Mohammadi. Ajo po përshkruhet si një përplasje midis të burgosurve, por autoritetet e burgut shkëputën linjat telefonike dhe i hoqën rojet nga ambjenti për të siguruar realizimin e planit të tyre.

Shir-Mohammad-Ali u godit me thikë në stomak dhe iu prenë arteriet kryesore. Ai vdiq para se të arrinte në Spitalin Firouzabadi në Shahr-e Ray. Mohammadi u plagos rëndë, por është ende në jetë.

   Shir-Mohammad-Ali dhe Mohammadi u futën në grevë urie që prej 14 marsit deri në 16 prill, ku kërkuan ndarjen e të burgosurve të kategorive të ndryshme; diçka, që mund ta kishte parandaluar këtë sulm. Ata gjithashtu protestuan për mungesën e sigurisë, standardet e tmerrshme të jetesës dhe kushtet e këqija shëndetësore në burgun e Madh të Teheranit, që është 32 km në jug të kryeqytetit.

Shir-Mohammad Ali u arrestua në korrik 2018 dhe përfundimisht u dënua me 8 vjet burg për fyerje të themeluesit të regjimit Ruhollah Khomeini dhe Udhëheqësit Suprem Ali Khameneit dhe për propagandë kundër regjimit.

Burgu i Madh i Teheranit, i cili njihet edhe si Fashafouyeh, fillimisht u ndërtua si një kamp përqendrimi për të dënuarit e drogës. Megjithatë, autoritetet iraniane kanë dërguar shumë të burgosur politikë dhe të burgosur të ndërgjegjes për të vuajtur dënimet e tyre në këtë burg.

Ka pasur gjithashtu një numër të konsiderueshëm raportimesh të kushteve të jetesës çnjerëzore në këtë burg, të tilla si ushqimi i papërshtatshëm, uji, strehimi dhe pajisjet e larjes. Përveç këtyre, të burgosurit politikë shpesh trajtohen me dhunë nga rojet ose nga të burgosurit e udhëzuar nga autoritetet.

Në shtator 2018, një grup i dervishëve të Gonabadit, një grup i vogël fetar, shpesh të shënjestruar nga autoritetet iraniane, u sulmuan për mbajtjen e një greve duke qendruar ulur për të protestuar ndaj rrahjeve të grave dhe të afërmve të tyre në Burgun Qarchak.

Ndërsa i burgosuri politik Soheil Arabi, i cili gjithashtu po vuan dënimin në këtë burg, është rrahur keq disa herë nga të burgosurit, që veprojnë në emër të autoriteteve.

13 Qershor 2019

 

Rreth Nesh

Quas mattis tenetur illo suscipit, eleifend praesentium impedit! Dictum aliquam potenti arcu? Vel nemo consectetuer veritatis delectus excepturi magni dui

 

Suspendisse at libero porttitor nisi aliquet vulputate vitae at velit. Aliquam eget arcu magna, vel congue dui. Aenean id turpis lectus. Duis eget consequat velit.nulla vel eros blandit placerat.

Lajmi i fundit