Premte, 20 Shtator 2019 19:28

Policia speciale sulmon brutalisht punëtorët e HEPCO -s gjatë demonstratës paqësore në Iranin perëndimor

.

Submit to DeliciousSubmit to DiggSubmit to FacebookSubmit to Google PlusSubmit to StumbleuponSubmit to TechnoratiSubmit to TwitterSubmit to LinkedIn

Policia speciale sulmon brutalisht punëtorët e HEPCO -s gjatë demonstratës paqësore në Iranin perëndimor

Iran, 17 shtator 2019 — Një tubim i mbajtur nga punonjësit e kompleksit industrial HEPCO nën urën Bakhtiar në qytetin Arak të hënën, u bë skena e një sulmi të dhunshëm nga forcat speciale të sigurisë së regjimit. Këto njësi kishin rrethuar zonën e protestës për orë të tëra përpara se të fillonin sulmin e tyre të tmerrshëm. Një numër punëtorësh u plagosën, dhe dhjetëra u arrestuan.

 Punëtorët e HEPCO-s u mblodhën edhe një herë të hënën, për të protestuar ndaj gënjeshtrave të vazhdueshme të zyrtarëve të kompanisë në lidhje me statusin e pronësisë së kompleksit. Hekurudha lokale u bllokua si rezultat i këtij tubimi protestues. Punëtorët nisën marshimin dhe e zhvendosën demonstratën e tyre në qendër të qytetit të Arakut.

Punëtorët protestues mbanin një parullë të madhe ku ishte shkruajtur në katër gjuhë, "Ne punonjësit e HEPCO-s po kërkojmë një sqarim përfundimtar të statusit të aksionerëve kryesorë dhe asgjë tjetër. Si mund t’i ngremë ne ndryshe kërkesat tona? A do të na dëgjojë dikush? "

 Punëtorët në mbledhjen e sotme të HEPCO-s në Arak, Iranin perëndimor, u sulmuan dhe u rrahën nga forcat e sigurisë së regjimit. 30 deri 40 punëtorë u ndaluan ndërsa 15 të tjerë u plagosën. Ky është një regjim që po vdes, i cili madje nuk mund të durojë as një protestë të punëtorëve.

 Kryengritjet e punëtorëve të HEPCO-s

Në qershor, agjensia e lajmeve ISNA e përshkroi situatën si të tillë: "HEPCO, gjigandi i industrisë së makinerive në Lindjen e Mesme, tani ka marrë fund dhe është në grahmat e fundit".

ISNA konfirmoi gjithashtu shtrirjen e protestave të punëtorëve të HEPCO-s. "

Ndërsa protestat vazhduan të zgjerohen, regjimi iranian u përpoq t’i shuante protestat me dhunë si dhe dënoi punëtorët demonstrues. Sipas gazetës Jahan-e Sanat, 15 punëtorë u gjykuan me akuzën e "prishjes së rendit publik" dhe "nxitjes së punëtorëve në demonstrata dhe grindje nëpërmjet internetit." Sipas verdiktit të një gjykate në Arak, punëtorët u dënuan me 2 vjet dhe 6 muaj burg dhe 74 rrahje me kamzhik.

Si shumë bashkësi të tjera dhe segmente të shoqërisë iraniane, punëtorët e HEPCO-s po vazhdojnë protestat e tyre pavarësisht sundimit të terrorit dhe masave të sigurisë nga regjimi iranian. Ndërsa njerëzit e Iranit bashkohen për të kërkuar të drejtat e tyre, koha po kthehet gradualisht kundër tiranëve që kanë shtypur dhe plaçkitur popullin iranian në katër dekadat e fundit.

Raportuar nga PMOI / MEK

Lajmi i fundit