Djele, 13 Shtator 2020 20:03

Laureatët e Nobelit dënojnë ekzekutimin e kampionit iranian të mundjes Navid Afkari

.

Submit to DeliciousSubmit to DiggSubmit to FacebookSubmit to Google PlusSubmit to StumbleuponSubmit to TechnoratiSubmit to TwitterSubmit to LinkedIn


Tetë Laureatë të Nobelit nga Shtetet e Bashkuara dhe Kanadaja dënuan ekzekutimin brutal të kampionit iranian të mundjes, Navid Afkari, nga regjimi iranian.


Letër e përbashkët e laureatëve të Nobelit drejtuar Sekretarit të Përgjithshëm të Kombeve të Bashkuara

12 Shtator 2020

 

Shkëlqesisë së tij Antonio Guterres

Sekretari i Përgjithshëm i Kombeve të Bashkuara  

Kombet e Bashkuara

New York, NY 10017

Z. Sekretar I Përgjithshëm,

 Ne jemi të tmerruar kur kemi dëgjuar për ekzekutimin e tmerrshëm të Z. Navid Afkari, kampioni i njohur i mundjes në Iran. Pavarësisht nga një fushatë e madhe globale, regjimi iranian e vari Afkarin 27-vjeçar, duke e treguar natyrën e vetë çnjerëzore dhe dëshpërimin që e ka zënë përpara kryengritjeve të afërta.

Bazuar në ato që u ka thënë Z. Afkari organizatave të të drejtave të njeriut, ai u torturua rëndë për të dhënë rrëfim të rremë për vrasje por u dënua me vdekje për thjesht pjesëmarrje në demonstrata anti-qeveritare në Iran.

Amnistia Ndërkombëtare raportoi më 2 shtator 2020 se dënime të tmerrshme pas protestës, kryesisht dënime me vdekje janë lëshuar bazuar në "rrëfime" të nxjerra nga torturat, qindra njerëz iu nënshtruan gjykimeve të padrejta për akuza të pabaza kundër sigurisë kombëtare dhe tortura massive përfshirë rrahjet, goditjet me kamxhik, goditjet elektrike, pozicione për të stresuar të pandehurin, ekzekutimet tallëse, shtrirja e të ndaluarit mbi një derrasë me ujë, dhuna seksuale, detyrimi i të ndaluarit për të  gëlltitur substanca kimike dhe privimi i kujdesit mjekësor. Këto llojë torturash janë zbatuar kundër atyre të ndaluarve në lidhje me protestat mbarëkombëtare të nëntorit 2019.

Ne jemi shumë të shqetësuar se ekzekutimet dhe torturimi i të burgosurve po vazhdon në Iran pa pushim. Vitet e pandëshkueshmërisë dhe heshtja kanë inkurajuar teokracinë në pushtet për të kryer krime të tilla të tmerrshme. Por heshtja dhe mosveprimi do të kenë efektin e kundërt.

Ne ju nxisim ju dhe përmes jush Këshillin e Sigurimit të Kombeve të Bashkuara dhe Komisionerin e Lartë për të Drejtat e Njeriut të ndërmarrin veprime të shpejta dhe praktike kundër regjimit iranian për ekzekutimin e Navid Afkarit dhe dhjetëra mijëra të burgosurve politikë.

Përmes zyrës suaj, ne i kërkojmë përfaqësuesit të Komisionerit të Lartë për të Drejtat e Njeriut që të vizitojë burgjet iraniane, të takohet me të burgosurit, veçanërisht me të burgosurit politikë dhe të marrë hapa për të shpëtuar jetën e të arrestuarve të cilët ndodhen në kushte çnjerëzore në burgjet iraniane.


Nënshkruesit:

  • Professor Barry Barish, Nobel Prize, Physics 2017, USA
  • Professor John Mather, Nobel Prize, Physics 2006, USA
  • Professor Roger D. Kornberg, Nobel Prize, Chemistry 2006, USA
  • Professor ‍Richard Roberts, Nobel Prize, Medicine 1993, USA
  • Professor Elias Corey, Nobel Prize, Chemistry 1990, USA
  • Professor John Polanyi, Nobel Prize, Chemistry 1986, Canada
  • Professor Jerome Friedman, Nobel Prize, Physics 1986, USA
  • Professor Dudley Herschbach, Nobel Prize, Chemistry 1986, USA

 

 

 

 

 

 

 

 

 

 

                                                                

 

 

Lajmi i fundit