Irani dhe llogaritë e rreme

Përveç terrorizmit dhe represionit të brendshëm, një tjetër mjet që regjimi iranian shfrytëzon për të nënshtruar armiqtë e tij, përfshirë Muxhahedinët e Iranit, janë lajmet e rreme. Deri më tani në hapësirën kibernetike janë zbuluar disa llogari proxy lidhur me këtë regjim dhe disa janë hequr. Një shembull i ri lidhet me këtë janar 2022.

Reuters: Special Report.. How Iran spreads disinformation around the world

Një raport i bërë publik të enjten më 20 janar, zbuloi raste të aktiviteteve mashtruese të regjimit iranian në Facebook dhe Instagram.

Reuters, duke cituar nga Meta (organi mëmë i Facebook), raportoi një rast falsifikimi të kryer nga regjimi në Iran. Në Mbretërinë e Bashkuar, llogaritë, me origjinë nga Irani, të maskuar si vendas u përpoqën të ndikonin në pikëpamjet e Scotts për qeverinë britanike gjatë pandemisë COVID dhe pas Brexit.

Meta removes Iran-based fake accounts targeting Instagram users in Scotland

‘Llogaritë e organizuan përmbajtjen e tyre rreth hashtags të zakonshëm që promovojnë kauzën, megjithëse ndonjëherë i shkruanin gabimisht’, ‘Llogaritë postuan gjithashtu për futbollin dhe qytetet e Mbretërisë së Bashkuar, me gjasë që t’i bëjnë personat fiktive të duken më autentikë,’ thuhet në raportet. Ben Nimmom, një zyrtar në Meta tha: ‘Ne kemi parë një sërë operacionesh që vijnë nga Irani gjatë viteve të fundit’. Në një deklaratë të Metës thuhej gjithashtu: “Rrjeti përdorte llogari të rreme për t’u paraqitur si vendas në Angli dhe Skoci, duke postuar foto dhe meme rreth ngjarjeve aktuale dhe kritikave ndaj qeverisë së Mbretërisë së Bashkuar”.

Në një rast të lidhur në dhjetor, Meta mbylli tetë llogari në Facebook dhe 126 Instagram për shkelje të rregullave të kompanisë.

Regjimi iranian, për disa herë, është angazhuar në krijimin e llogarive të falsifikuara të përhapjes së lajmeve të rreme. Firma e shquar e sigurisë kibernetike FireEye publikoi dikur informacione rreth llogarive të mediave sociale, të krijuara midis prillit 2018 dhe marsit 2019, që dilnin nga Irani. Këto llogari u maskuan si shtetas amerikanë që u përpoqën të ndikonin në zgjedhjet presidenciale në SHBA.