kush është Ebrahim Raisi?

Ndërkohë që regjimi i Republikës Islamike në Iran është rrethuar nga kriza gjithnjë e më të mëdha brenda dhe jashtë vendit, Lideri Suprem Ali Khamenei bëre çmos për ta caktuar Ebrahim Raisi-n si President. Duke patur parasysh historikun e përgjakshëm të presidentit të ri në dhunime të tmerrshme të të drejtave njerëzore, duke përfshirë vrasjen e mijëra të burgosurve politikë në Teheran, Khamenei vërtet që i ka varur shpresat te Raisi si shpëtimtar i shtetit të tij.

Vëzhguesit besojnë se Khamenei e ka përzgjedhur zyrtarisht Raisi-n si president; por në fakt, Lideri Suprem ka ndjekur një qëllim tjetër: prezantimin e ‘Kasapit të Teheranit’ si personin që do të trashëgojë prej tij postin e liderit suprem. Vlen të theksohet se, në 1989-ën kur themeluesi dhe Lideri i parë Suprem i Republikës Islamike vdiq, Khamenei ishte president i regjimit.

Gjithsesi, pas miratimit të tij nga Khamenei më 3 gusht, Raisi u paraqit në Parlament (Majlis) për të bërë betimin në një ceremoni zyrtare inaugurimi. Nën sundimin e ajatollahëve, ky është një event i pakuptimtë, duke qenë se ata e kanë deklaruar që nuk i njohin asnjëherë votat e popullit si një shenjë legjitimiteti. Ata besojnë se vetëm miratimi nga Lideri Suprem ka vlerë.

Në verën e 1988-ës, mbi 30,000 të burgosur politikë, shumica anëtarë e mbështetës të Organizatës Muxhahedine të Popullit të Iranit (PMOI/MEK) u ekzekutuan mbi bazën e një fetva nga Ruhollah Khomeini

masakër e cila kishte në shënjestër kryesisht MEK-ët mbi bazën e një fatwa nga Ruhollah Khomeini ku ata deklaroheshin armiq të Zotit. Kjo masakër ua mori jetën mbi 30,000 njerëzve në mbarë vendin, dhe si një nga anëtarët e “komisionit të vdekjes” të Teheranit në atë kohë, mund të argumentohet se Raisi mban përgjegjësi për shumicën e tyre.

Amnesty International kërkoi të Shtunën që ai të hetohej për krime të pretenduara kundër njerëzimit mbi vdekjet.

Sekretarja e Përgjithshëme e Amnistisë Ndërkombëtare Agnès Callamard tha:

“Që Ebrahim Raisi është ngritur në presidencë në vend që të hetohet për krime kundër njerëzimit të vrasjeve, zhdukjeve me forcë dhe torturave, është një kujtesë e zymtë se pandëshkueshmëria mbretëron në Iran. Në vitin 2018, organizata jonë dokumentoi se si Ebrahim Raisi kishte qenë anëtar i ‘komisionit të vdekjes’ i cili zhduku me forcë dhe ekzekutoi jashtëgjyqësisht në fshehtësi me mijëra disidentë politikë në burgjet Evin dhe Gohardasht pranë Teheranit në 1988. Rrethanat që lidhen me fatin e viktimave dhe vendndodhja e trupave të tyre, deri më sot, është fshehur sistematikisht nga autoritetet iraniane, që paraqet krime të vazhdueshme kundër njerëzimit.

Për më shumë informacion klikoni:

Amnistia Ndërkombëtare: Iran.. Ebrahim Raisi duhet të hetohet për krime kundër njerëzimit

Raisi kurrë nuk ka komentuar mbi akuzat, por besohet gjerësisht se ai rrallë largohet nga Irani nga frika e ndëshkimit ose drejtësisë ndërkombëtare mbi ekzekutimet.

Raisi lindi më 14 dhjetor 1960 në Mashhad. Raisi, filloi karrierën e tij si prokuror i Kereç në vitin 1981, pas revolucionit të vitit 1979. Duke u ngritur shpejt në pozicionin e tij, ai shpejt u bë Zëvendësprokuror i Përgjithshëm i Teheranit.

Ai mori pjesë në komitetin që vendosi të ekzekutojë kundërshtarët e burgosur të regjimit në vitin 1988, me udhëzimin e udhëheqësit revolucionar të Iranit, Khomeini.

Raisi, i cili mori pjesë në delegacionin prej katër personash që u quajt si “komiteti i vdekjes” nga kundërshtarët e regjimit, është cilësuar si “ajatollahu i masakrës” nga opozitarët. Pretendohet se rreth 30.000 njerëz u ekzekutuan në atë kohë.

Publikimi i audio incizimit të një takimi midis ish-trashëgimtarit të Khomeinit, Hossein-Ali Montazeri dhe anëtarëve të “Komisionit të Vdekjes” të cilët drejtuan masakrën e 30,000 të burgosurve politikë në verën e vitit 1988 në Iran, ka marrë dhenë në Iran.

Për më shumë informacion klikoni:

Historia e patreguar e masakrës së vitit 1988 Shfarosja e një brezi

Pas vdekjes së Khomeinit, Raisi u ngrit me shpejtësi në pozitat shtetërore gjatë epokës së Khameneit, duke shërbyer si Kryeprokuror i Teheranit në periudhën 1989-1994. I emëruar më pas si Kryetar i Zyrës Shtetërore të Inspektimit në vitin 1994, ai qëndroi në këtë pozicion për dhjetë vjet.

Reisi më vonë u emërua në postin e Zëvendësit të Parë të Shefit të Gjyqësorit në vitin 2004. I emëruar në postin e Kryeprokurorit të Iranit në 2014, Raisi u caktua nga Khamenei si Kryetar i Fondacionit të Tyrbes dhe Kompleksit Imam Reza dhe Kompleksit në Mashhad vitin 2016.

Raisi ishte një kandidat edhe në zgjedhjet presidenciale të mbajtura më 19 maj 2017 në vend, kur humbi nga Hassan Rouhani.

Raisi u emërua nga Khamenei si Shef i Gjyqësorit në mars 2019 pas lirimit të detyrës nga Amuli Sadik Larijani-t.

Ai u sanksionua nga Shtetet e Bashkuara në nëntor 2019 për rolin e tij në ekzekutimin e të burgosurve politikë dhe shuarjen e trazirave sociale të vitit 2009, por nuk ka bërë asnjë deklaratë publike në lidhje me rolin e tij në ekzekutime.

Emri i Ebrahim Raisit, i cili mbështetet nga Ushtria e Gardës Revolucionare, është ndër kandidatët që ka të ngjarë të ulet në udhëheqjen e vendit pas Khameneit.