Të enjten, 17 shkurt 2022, policia shqiptare mohoi si lajme të rreme raportet e publikuara nga disa media shqiptare që bënin akuza të rreme kundër Muxhahedinëve iranianë, MEK, me bazë në Ashraf3 në Shqipëri, dhe shpalli në një deklaratë:
“Policia e Shtetit nuk i ka dërguar asnjë raport të tillë apo ndonjë tjetër të ngjashëm ambasadës së SHBA-së në Tiranë, në të cilin flitet për implikimin e grupit MEK në trafikun e klandestinëve apo të drogës. Gjithashtu theksojmë se asnjë raport i tillë nuk është hartuar nga strukturat e Policisë së Shtetit.
Policia e Shtetit sqaron se nga verifikimet e kryera rezulton që ky material është hedhur në qarkullim me qëllim dezinformimin e komunitetit.”
Banorët e qytetit të Manzës në provincën e Durrësit në Shqipëri kanë mirëpritur prezencën e qetë dhe marrëdhëniet miqësore të anëtarëve të MEK-ut që janë vendosur në kampin Ashraf 3 të këtij qyteti.
Por regjimi diktatorial i Iranit dhe agjentët e tij në Shqipëri po përpiqen të shkatërrojnë marrëdhëniet miqësore të popullit shqiptar me MEK-un duke përhapur lajme të rreme të përgënjeshtruara gjithmonë nga autoritetet shqiptare. Banorët e Ashrafit besojnë se regjimi iranian, duke u përpjekur të shkatërrojë këto marrëdhënie miqësore, synon të zvogëlojë mbrojtjen publike dhe popullore të MEK-ut dhe rezistencës iraniane për të kryer komplotet e tij dashakeqe kundër tyre në Shqipëri.
Një shembull i këtij lajmi të rremë, i cili nuk ka origjinë tjetër përveç regjimit diktatorial të Iranit, është publikuar më 4 dhjetor 2021 nga një person në Shqipëri i quajtur Alice Taylor, në faqen angleze Exit. Artikulli i saj gënjeshtar tregon për një dokument të falsifikuar që ajo pretendon se policia shqiptare e ka dërguar në ambasadën amerikane. Dokumenti, i cili është mohuar nga policia e shtetit, pohon se anëtarët e MEK në Shqipëri janë të përfshirë në trafik klandestin droge. Dhe sikur MEK paska dërguar ilegalisht 400 anëtarë të Kampit Manza në Francë.
Regjimi iranian mbuloi gjerësisht lajmet e rreme në shtypin e lidhur me Ministrinë e Inteligjencës dhe Forcat terroriste Quds në Iran, kështu që një veprim i bërë nga diktatorët, mund ta përdorte atë si një pretekst për të shtypur familjet e MEK-ut dhe për të torturuar mbështetësit e MEK-ut në burgjet e Iranit.
Ky raport kundër MEK-ut është fabrikuar në mënyrë diletante saqë kushdo që nuk ka shumë njohuri për sjelljen e MEK-ut do ta kuptojë se është një gënjeshtër. Në artikull përmenden edhe emrat e një burri dhe një gruaje të arrestuar nga policia. Kemi hulumtuar dhe nuk ka kurrë një grua me atë emër në MEK. Personi i dytë që thotë se është arrestuar është një përfaqësues i banorëve të Ashrafit, i cili nuk është akuzuar asnjëherë për asnjë vepër penale në Shqipëri. Por përkundrazi, ai gëzon një reputacion shumë të lartë dhe të mirë në Shqipëri.
Pavarësisht se banorët e Ashrafit informuan “Exit” se burimi i këtyre akuzave ishin mercenarët e regjimit iranian dhe policia nuk ka bërë një raport të tillë, Alice Taylor përsëriti të njëjtën marrëzi në “Exit” 75 ditë më vonë, më 17 shkurt 2022. Por këtë herë, artikulli i saj u pasua me një tjetër lajm të rremë që akuzonte anëtarët e MEK-ut për vjedhje. Departamenti i policisë shqiptare hodhi poshtë menjëherë akuzat.
Pas njoftimit të Drejtorisë së Përgjithshme të Policisë, disa faqe lajmesh si Shqiptaria.com dhe Report TV që kishin pasqyruar të njëjtin lajm të rremë e hoqën nga faqet e tyre. Megjithatë, Exit ka refuzuar të heqë lajmet e rreme. Pra, ekziston një pikëpyetje e madhe se përse pavarësisht faktit që policia ka shpallur se raporti është fals dhe është e qartë se të ashtuquajturat dokumente janë të fabrikuara dhe paguara nga regjimi iranian, “Exit” nuk e heq atë apo nuk reflekton nga deklarata e policisë.
Logjikisht, kur është e qartë se raporti kundër MEK-ut që është vazhdimisht në shënjestër të fushatës demonizuese të regjimit iranian është i rremë, një qëndrim i paanshëm do të ishte heqja e tij ose ndriçimi i opinionit publik me të vërtetën.
Iran Probe këshillon që për çdo lajm që agjentët e regjimit iranian publikojnë dhe falsifikojnë për të demonizuar MEK-un dhe çdo aktivitet të paligjshëm që i atribuohet MEK-ut, të kontrollohet me përfaqësuesin e banorëve të Ashraf3 në Shqipëri në adresën e emailit:
